YAPONİYADA ŞPRİS ÜÇÜN DÜNYADA ƏN NAZİK İYNƏ HAZIRLANMIŞDIR
Yaponiyada şpris üçün dünyada ən nazik iynə hazırlanmışdır. Diametri 0,2 millimetr olan bu iynə, əslində, ağrı vermir. İynəni yaratmış “Termo” tibbi avadanlıq şirkətindən bildirmişlər ki, inyeksiya zamanı iynə bədəni o qərəcədə cüzi yaralayır ki, xəstə onu, ümumiyyətlə, hiss etməyə bilər.
İndiyədək ən nazik iynə hazırlamağa maye dərmanın sabit axınının təmin edilə bilməməsi mane olurdu. Lakin “Termo” iynənin daxili kanalının açılmasının prinsipcə yeni metodikasını tətbiq edərək, bu məsələni həll edə bilmişdir.
Şirkət gündə bir neçə dəfə insulin inyeksiyası etməyə məcbur olan diabetli xəstələri öz məhsulunun əsas istifadəçisi hesab edir. Təkcə Yaponiyada 7 milyonadək belə xəstə vardır. Dünyada insulin iynəsi vurmaq üçün belə avadanlığa tələbat ildə yarım milyard dollar həcmindədir və bu rəqəm sürətlə artır.
İTAR-TASS-ın verdiyi xəbərə görə, “Termo” yeni iynələri bir-iki ilə satışa buraxmağı vəd edir.
Bölmənin digər xəbərləri
