Yaponiyanın Baş naziri Tokio Olimpiadasını yayda keçirmək niyyətində olduqlarını bəyan edib
Tokio, 29 yanvar, AZƏRTAC.
Yaponiyanın Baş naziri Yoşihide Suqa Davos İqtisadi Forumunun virtual sessiyası zamanı Tokio Yay Olimpiya və Paralimpiya Oyunlarını bu yay keçirmək niyyətində olduqlarını bir daha bəyan edib.
AZƏRTAC xəbər verir ki, sessiyada çıxış edən Baş nazir deyib: “Bu, insanlığın koronavirusa qalib gəldiyini təsdiq edən bir bəyanat olacaq. Biz Olimpiadanı təhlükəsiz şəraitdə keçirmək niyyətimizə sadiqik. Bu istiqamətdə BOK və Tokio administrasiyası ilə sıx əməkdaşlıq edirik”.
Xatırladaq ki, koronovirus pandemiyasına görə ötən ilin martında BOK və Olimpiadanın təşkilat komitəsi yarışların cari ilin yayında keçirilməsi barədə razılığa gəliblər. Cari ildə yarışlar iyulun 23-dən avqustun 8-dək keçiriləcək.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
