“YAŞAT” Fondu şəhid ailəsinin məişət şəraitini yaxşılaşdırıb, borc öhdəliklərini qarşılayıb
Bakı, 17 fevral, AZƏRTAC
“YAŞAT” Fondu tərəfindən dəstək tədbirləri davam etdirilir.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsindən AZƏRTAC-a verilən məlumata görə Vətən müharibəsi zamanı Ağdərədə şəhidlik zirvəsinə ucalan, “Suqovuşanın azad olunmasına görə”, “Cəsur döyüşçü” və “Vətən uğrunda” medalları, III dərəcəli “Vətənə xidmətə görə” ordeni ilə təltif olunan Atiq İbrahimovun ailəsinin məişət şəraiti “YAŞAT” Fondu tərəfindən yaxşılaşdırılıb və borc öhdəlikləri qarşılanıb.
Qeyd edək ki, Fondun hesabatları və xərclənən vəsaitlərlə bağlı ətraflı məlumatı yashat.gov.az rəsmi internet saytının “Hesabatlar” (https://yashat.gov.az/report/tableau) bölməsindən əldə etmək mümkündür.
Bölmənin digər xəbərləri
