YAŞAYIŞ BİNALARININ SANİTARİYA VƏZİYYƏTİ İLƏ BAĞLI REYDLƏR KEÇİRİLMİŞDİR

01.05.2006 [23:40]
Çap et
A⁺ A^-

Respublika Gigiyena və Epidemiologiya Mərkəzinin əməkdaşları Bakının Nəsimi və Binəqədi rayonlarında yaşayış binalarının sanitariya vəziyyəti ilə bağlı reydlər keçirmişlər. Səhiyyə Nazirliyindən AZƏRTAC-ın müxbirinə bildirmişlər ki, Nəsimi rayonundakı 14, 41 və 65 nömrəli və Binəqədi rayonundakı 72, 107, 106, 79,195, 80, 108 və 192 nömrəli mənzil-istismar sahələrinin rəhbərlərinə ciddi töhmət elan edilmişdir.

Cari ilin birinci rübü ərzində 43 fiziki və hüquqi şəxs gigiyena normalarını və epidemiya əleyhinə rejimi pozduğuna görə cərimə olunmuşdur. Yasamal rayonundakı 1 və 10 nömrəli uşaq poliklinikaları və 28 nömrəli uşaq bağçası antisanitariya vəziyyəti üzündən əsaslı təmirə bağlanmışdır.

Dövlət sanitariya xidmətinin icazəsi olmadan fəaliyyət göstərən 5 ictimai iaşə obyekti bağlanmışdır. Mərkəzin əməkdaşları yay mövsümünün yaxınlaşması ilə əlaqədar içməli suya nəzarətin gücləndirilməsinə dair təkliflər hazırlayırlar.

YAŞAYIŞ BİNALARININ SANİTARİYA VƏZİYYƏTİ İLƏ BAĞLI REYDLƏR KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri