Yəməndəki husilərin hücumları nəticəsində Səudiyyə Ərəbistanında 13 mülki şəxs yaralanıb
Qahirə, 15 sentyabr, AZƏRTAC
Yəmənin qərbinə nəzarət edən husilərin Səudiyyə Ərəbistanının 3 şəhərinə hücumları nəticəsində 13 mülki şəxsin yüngül və orta dərəcəli xəsarətlər aldığı bildirilib.
AZƏRTAC “əş-Şarq əl-Avsət” nəşrinə istinadla xəbər verir ki, hücumlar nəticəsində 7 yaşayış evinə və 2 nəqliyyat vasitəsinə də ziyan dəyib.
Yəmənin mərkəzi hökumətini dəstəkləyən koalisiyanın sözçüsü, briqada generalı Türki əl-Maliki bildirib ki, husilər bazar ertəsi Xamis-Muşayt, Əbhə və Taif şəhərlərində mülki obyektləri ballistik raketlərdən və pilotsuz uçuş aparatlarından istifadə etməklə hədəfə alıblar.
Koalisiyanın sözçüsü əlavə edib ki, husilərin hücumlarının qarşısını almaq və onların düşmənçilik xarakterli fəaliyyətinə qarşı mübarizə aparmaq məqsədilə bütün zəruri əməliyyat tədbirləri görüləcək.
Bölmənin digər xəbərləri
