Yeraltı piyada keçidinə su sızmasının qarşısı alınıb
Bakı, 20 iyun, AZƏRTAC
“Qış parkı” ərazisində, Akademik Milli Dram Teatrının qarşısında yerləşən yeraltı piyada keçidinə su sızmasının qarşısı alınıb.
Bu barədə AZƏRTAC-a Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən açıqlama verilib.
Xatırladaq ki, parkın ərazisində yaşıllıq ərazinin suvarılması üçün nəzərdə tutulmuş xətdə baş vermiş qəza nəticəsində su keçidə sızırdı.
Dərhal bu barədə yaşıllığa xidmət göstərən quruma məlumat verilib və aidiyyəti qurum tərəfindən qəza aradan qaldırıldıqdan sonra keçidə su sızmasının qarşısı alınıb.
Bölmənin digər xəbərləri
