Yüksək Texnologiyalar Parkı “Code Academy” layihəsinin növbəti mərhələsinə başlayıb
Bakı, 18 yanvar, AZƏRTAC
Rabitə və Yüksək Texnologiyalar Nazirliyinin tabeliyində yaradılan Yüksək Texnologiyalar Parkı (YTP) yanvarın 18-də təhsil üzrə “Code Academy” layihəsinin növbəti mərhələsinə başlayıb.
YTP-dən AZƏRTAC-a verilən məlumata görə, üçüncü proqram çərçivəsində “Code Academy”də 12 həftə (1 həftə onlayn + 10 həftə intensiv master-klas + 1 həftə karyera planlaşdırma) ərzində ustad dərsləri təşkil olunacaq. Bu müddətdə veb proqramlaşdırma sahəsində mütəxəssislər hazırlanacaq və layihə üzrə hər növ texniki təcrübə aparılacaq. Tədris müddətində HTML5,CSS3, Javascript, jQuery, PHP və Mysql (və frameworkları - SASS, Bootstrap, Laravel) proqramları öyrədiləcək.
Daha geniş məlumatı www.code.edu.az ünvanından əldə etmək olar.
Bölmənin digər xəbərləri
