YUNANISTANIN ÖLKƏMİZDƏKİ SƏFİRİ BAKI SLAVYAN UNİVERSİTETİNDƏ OLMUŞDUR
Universitetin rektoru, professor Kamal Abdullayev tədbiri açaraq, BSU-nun Yunanıstanın ölkəmizdəki səfirliyi ilə sıx əlaqə saxladığını diqqətə çatdırmış və bu əlaqələrin gələcəkdə daha da inkişaf etdiriləcəyinə ümidvar olduğunu söyləmişdir.
“Azərbaycanın enerji resurslarının ölkənin geosiyasi və geostrateji vəziyyətinə təsiri”ndən danışan səfir ölkəmizin strateji mövqeyindən, Xəzər dənizindəki neft yataqlarından və bu neftin dünya bazarına nəqlindən ətraflı söz açmışdır. O qeyd etmişdir ki, Xəzər dənizinin neft yataqlarını Şimal dənizinin neft yataqları ilə müqayisə etmək olar və “Azərbaycan işığı” markası ilə istehsal olunan xam neft keyfiyyətinə görə ən yaxşı neft hesab edilir.
Sonra görüş tələbələrlə dialoq şəklində davam etdirilmişdir. Səfir suallara cavab verərkən vurğulamışdır ki, Yunanıstan Respublikası Avropa Şurasının və Avropa İttifaqının üzvü olaraq, Ermənistan-Azərbaycan, Dağlıq Qarabağ problemi ilə bağlı Minsk qrupunun səylərini dəstəkləyir. Görüşdə tələbə-müəllim mübadiləsi məsələsi də müzakirə olunmuşdur.
Professor K.Abdullayev qeyd etmişdir ki, Yunanıstanın sabiq prezidenti, BSU-nun Fəxri doktoru K.Stefanopulos BSU-nun tələbələri qarşısında silsilə məruzələr oxumaq təklifini müsbət qarşılayıb və bu istiqamətdə əməli işlər görülür.
Görüşün sonunda səfir Fəxri qonaqlar kitabına ürək sözlərini yazmış, tələbələrlə xatirə şəkli çəkdirmişdir.
Bölmənin digər xəbərləri
