“Yuventus” “Benfika”nın futbolçusu üçün 120 milyon avrodan keçməyə hazırdır
Bakı, 7 mart, AZƏRTAC
Portuqaliyanın “Benfika” klubunun yarımmüdafiəçisi Xuan Feliks karyerasını “Yuventus”da davam etdirə bilər.
AZƏRTAC xəbər verir ki, “Yuventus” 19 yaşlı futbolçunu yay transfer pəncərəsində heyətinə qatmaq istəyir. “Qoca sinyora”nın bu keçid üçün qarşı tərəfə 120 milyon avro ödəməyə hazır olduğu bildirilir.
“Yuventus”un idman direktoru Fabio Paratiçinin artıq “Benfika” rəhbərliyi və futbolçunun meneceri Jorje Mendeşə bu barədə məlumat verdiyi iddia olunur.
Qeyd edək ki, Felikslə “Mançester Yunayted”, “Barselona”, “Real Madrid” və “Atletiko Madrid” də yaxından maraqlanır.
Bölmənin digər xəbərləri
