ZİDANIN KƏLLƏ ZƏRBƏSİ ƏMTƏƏ MARKASI KİMİ QEYDİYYATA ALINDI

04.08.2006 [10:38]
Çap et
A⁺ A^-

AZƏRTAC Röyterə istinadla xəbər verir ki, idman mallarının satışı ilə məşğul olan Çin şirkətlərindən birinin baş direktoru Çjao Syaokay dünya futbol çempionatının final oyununda fransız Zinədin Zidanın italyan Marko Materatssinin sinəsinə endirdiyi kəllə zərbəsini əmtəə markası kimi qeydiyyatdan keçirmişdir.

Syaokay fransızın siluetinin təsvirinə görə 2 min yuan (250 dollar) ödəmişdir. İndi o, əmtəə markasından istifadə etmək hüququnu 1 milyon yuana (125 400 dollar) satır.

Biznesmen deyir: “Zidanın kəllə zərbəsini əmtəə markası kimi qeydiyyatdan keçirmək fikri final oyunu qurtardıqdan bir neçə gün sonra ağlıma gəldi. Dərhal başa düşdüm ki, bu, xeyli qazanc gətirəcəkdir”.

Syaokay bildirmişdir ki, bu əmtəə markası ilə xüsusi məmulat buraxmağa başlamaq niyyətindədir.