ZİYALILAR EVİ DAHA GÖZƏL OLACAQDIR
Cəlilabad rayonundakı ziyalılar evi istifadəyə verildiyi 20 il ərzində heç vaxt təmir edilməmiş, köhnəlib uçuq-sökük hala düşmüşdür. İqtisadi inkişaf naziri Fərhad Əliyev vəziyyətlə tanış olduqdan sonra, binanın əsaslı təmirini, yenidən qurulmasını öz öhdəsinə götürmüşdür. AZƏRTAC-ın müxbiri xəbər verir ki, indi obyektdə qızğın iş gedir. Binanın dam örtüyündən, tavanından, qapı-pəncərəsindən tutmuş döşəməsinədək hər şey yeniləşdirilir. Sayı 800-ə çatan yumşaq oturacaqlar təzələnir, binanın fasadına suvaq çəkilir. İşlərin gedişi göstərir ki, ziyalılar evi əvvəlki görkəmindən də gözəl və rahat olacaqdır.
