ELM VƏ TƏHSİL
Zoologiya İnstitutu xüsusi karantin rejiminin tələblərinə uyğun fəaliyyətə başlayıb
![Zoologiya İnstitutu xüsusi karantin rejiminin tələblərinə uyğun fəaliyyətə başlayıb](/files/2020/2/1200x630/15887718494798210629_1200x630.jpg)
Bakı, 6 may, AZƏRTAC
AMEA-nın prezidenti, akademik Ramiz Mehdiyevin “Azərbaycan Respublikası ərazisində xüsusi karantin rejiminin uzadılması ilə əlaqədar AMEA əməkdaşlarının işə davamiyyətinin tənzimlənməsi haqqında” 2020-ci 4 may tarixli sərəncamına əsasən Zoologiya İnstitutunda işçilərin fəaliyyəti qismən bərpa olunub.
İnstitutdan AZƏRTAC-a bildirilib ki, uzadılmış karantin rejimində Kadrlar şöbəsi yaşı 65-dən aşağı olan, gündəlik işə çıxmaları vacib əməkdaşların sayını (ümumi əməkdaşların sayının 30 faizindən çox olmaması şərtilə) müəyyənləşdirilib və onların adı “icaze.e-gov.az” portalına yerləşdirilib.
Xüsusi karantin rejiminin tələblərinə uyğun olaraq institut daxilində profilaktik tədbirlər həyata keçirilib. İşə cəlb edilmiş işçilərə pandemiya və karantin şəraitinin qaydalarına ciddi riayət etmələri tövsiyə olunub.