Zoologiya İnstitutunun əməkdaşı pambıq sovkasının pupları və digər zərərvericilər üzərində tədqiqatlar aparıb
Bakı, 27 mart, AZƏRTAC
Azərbaycan Milli Elmlər Akademiyası (AMEA) Zoologiya İnstitutunun kiçik elmi işçisi Səliqə Qazi Biləsuvar rayonunun pambıq əkilən bəzi kəndlərində ekspedisiyada olub.
Zoologiya İnstitutundan AZƏRTAC-a bildirilib ki, S.Qazi ekspedisiya müddətində əvvəlcə Biləsuvar rayonunun Xırmandalı kəndində yerləşən pambıq sahələrinə baxış keçirib.
Tədqiqat zamanı pambıq sovkasının pupları və qışlamada olan bir sıra zərərvericilər aşkarlanaraq toplanıb. Eyni zamanda, rayonun bəzi şəkər çuğunduru sahələrində müşahidələr aparılıb və bir çox zərərvericilər götürülüb. Bütün materiallar laboratoriyaya gətirilib və hazırda üzərində tədqiqatlar aparılır.
Bölmənin digər xəbərləri
