14 NOYABR - BEYNƏLXALQ DİABET GÜNÜ MÜNASİBƏTİLƏ DƏYİRMİ MASA KEÇİRİLMİŞDİR
Cəmiyyətin sədri Möminat Ömərova məlumat vermişdir ki, bütün dünyada 225 milyon diabetli xəstə vardır. Azərbaycanda bu rəqəm 60 minə çatır. Bunlardan 700-ü uşaq və 14 yaşdan yuxarı yeniyetmələrdir. Natiq diabetli xəstələrə göstərilən dövlət qayğısından danışaraq vurğulamışdır ki, son illərdə ardıcıl olaraq bu istiqamətdə mühüm işlər görülmüş və xəstələrin pulsuz preparatlar almasına şərait yaradılmışdır. M.Ömərova Beynəlxalq Diabet Federasiyasının 2007-ci ildə diabet haqqında BMT Qətnaməsinin qəbul olunması istiqamətində görəcəyi işlərə toxunaraq bildirmişdir ki, qətnamənin qəbulu xəstəliyin törətdiyi fəsadların qarşısının alınmasına kömək edəcəkdir.
Möminat Ömərova dekabrın 3-dən 5-dək Cənubi Afrikanın Keyptaun şəhərində keçiriləcək növbəti Beynəlxalq Diabet Konfransında iştirak və çıxış edəcəyini bildirmişdir.
Bölmənin digər xəbərləri
