2018-ci ildə kreditlərin təxminən 97 faizi banklar tərəfindən verilib
Bakı, 22 yanvar, AZƏRTAC
2018-ci il dekabrın 1-nə ölkənin bank və digər kredit təşkilatlarının kredit portfeli milli valyuta ekvivalentində 12 milyard 564,2 milyon manat təşkil edib.
Dövlət Statistika Komitəsindən AZƏRTAC-a bildirilib ki, ümumi kredit portfelinin 9 milyard 870,2 milyon manatı və ya 78,6 faizi uzunmüddətli kreditlərin payına düşüb. Kreditlərin 96,9 faizi banklar, 3,1 faizi isə bank olmayan kredit təşkilatları və kredit ittifaqları tərəfindən verilib.
Ödəmə vaxtı keçmiş kreditlərin məbləği 1 milyard 688,7 milyon manat olub və ümumi kredit portfelinin 13,4 faizini təşkil edib.
Bölmənin digər xəbərləri
