2021-ci ilin fevral-sentyabr aylarında keçiriləcək imtahanların siyahısı müəyyənləşdirilib
Bakı, 29 yanvar, AZƏRTAC
2021-ci ilin fevral-sentyabr aylarında keçirilməsi nəzərdə tutulan imtahanların siyahısı müəyyənləşdirilib. İmtahan tarixləri barədə Dövlət İmtahan Mərkəzinin saytında məlumat yerəşdiriləcək.
AZƏRTAC xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə yanvarın 29-da keçirdiyi mətbuat konfransında deyib.
O bildirib ki, hələlik fevral-mart aylarında keçirilməsi nəzərdə tutulan imtahanların konkret tarixləri məlumdur. Digər aylarda isə hansı imtahanların keçirilməsi planlaşdırılır. Çalışacağıq ki, 1 ay öncədən növbəti ay üçün nəzərdə tutulan imtahanların tarixlərini elan edək.
Bölmənin digər xəbərləri
