2022-ci ildə əsas kapitala yönəldilən vəsaitin məbləği 5,5 faiz artıb

Bakı, 24 may, AZƏRTAC

2022-ci ildə əsas kapitala yönəldilən vəsaitin məbləği əvvəlki ilə nisbətən 5,5 faiz artaraq 18,3 milyard manat təşkil edib.

AZƏRTAC xəbər verir ki, bu barədə məlumat 2022-ci il dövlət büdcəsinin icrasına dair illik hesabatında yer alıb.

Hesabata əsasən, əsas kapitala yönəldilmiş investisiyaların 80,6 faizi daxili mənbələr hesabına formalaşıb, investisiyaların 5,4 milyard manatı (29,5 faiz) neft, 12,9 milyard manatı isə (70,5 faiz) qeyri-neft sektoruna yönəldilib. Hesabat ilində qeyri-neft sektoruna yönəldilmiş vəsaitin həcmində 13,6 faiz artım qeydə alınıb.