330 KİLOQRAM NARKOTİK MADDƏ TUTULMUŞDUR
Fransanın Luare departamentinin Orlean şəhərinin polisi iki minik avtomobilindən şübhələnərək onları saxlamışdır. İki gənc orleanlının idarə etdikləri maşınlarda axtarış aparılarkən onların birinin boş, digərində isə 330 kiloqram narkotik maddə olduğu aşkar edilmişdir. Cinayətkarlar narkotik maddəni İspaniyaya keçirmək niyyətində imişlər. Tutulanlar barədə dərhal cinayət işi qaldırılmışdır.
AZƏRTAC-ın müxbirinin aldığı məlumata görə, onların böyük bir cinayətkar qrupla əlaqədə olduğundan şübhələnən polis dəstənin digər üzvlərinin axtarışını davam etdirir.
Bölmənin digər xəbərləri
