MƏDƏNİYYƏT


“Kulturologiya və insan kapitalı” mövzusuna növbəti seminar təşkil olunub

Bakı, 22 may, AZƏRTAC

Mayın 21-də “Simurq” Azərbaycan Mədəniyyət Assosiasiyasının (AMA) təşkilatçılığı ilə “Kulturologiya və insan kapitalı” mövzusunda növbəti kulturoloji seminar keçirilib.

AZƏRTAC xəbər verir ki, kulturoloq alim, professor Fuad Məmmədovun rəhbərliyi ilə təşkil edilən seminar Azərbaycan mənəvi mədəniyyətinin inkişafının aktual məsələlərinə həsr olunub.

Seminarı Azərbaycan Respublikasının Prezidenti yanında Dövlət İdarəçilik Akademiyasının professoru, “Simurq” AMA-nın prezidenti Fuad Məmmədov açaraq “Yüksək mədəniyyətli insan dayanıqlı inkişafın strateji resursu kimi” mövzusunda çıxış edib. O, çıxışında dövrün daimi dəyişiklikləri və çağırışları qarşısında fərdin özünü təkmilləşdirməsi, eləcə də davamlı rəqabətqabiliyyətli və davamlı inkişaf üçün əsas hərəkətverici qüvvə olan yüksək mədəniyyətli vətəndaşların hazırlanması yolunda mədəniyyət elminin - mədəniyyətşünaslığın strateji dəyəri, eyni zamanda transformasiya imkanlarından danışıb.

Seminarın davamında Bakı Dövlət Universitetinin professoru, Əməkdar elm xadimi Şahlar Əsgərov “Təhsil Azərbaycanın rəqabətqabiliyyətli inkişafının əsası kimi” mövzusunda məruzəsində qloballaşma şəraitində milli təhsil sisteminin inkişafına və onun rəqabət qabiliyyətinin artırılması üzrə innovativ yanaşmalara toxunub.

Sonra məruzələr ətrafında maraqlı müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.