“Mədəni yenilənmə” layihəsi çərçivəsində növbəti tədbir təşkil olunub
Bakı, 16 dekabr, AZƏRTAC
YARAT Müasir İncəsənət Mərkəzinin Mədəniyyət Nazirliyi ilə birgə reallaşdırdığı “Mədəni yenilənmə” adlı multidisiplinar layihə çərçivəsində növbəti tədbir keçirilib.
AZƏRTAC xəbər verir ki, Azərbaycan Musiqi Mədəniyyəti Dövlət Muzeyində reallaşan tədbirin budəfəki qonağı müasir Azərbaycan-rus bəstəkarlıq məktəbinin görkəmli nümayəndəsi, Azərbaycanın Xalq artisti, bəstəkar Fərəc Qarayev olub.
O, layihə barədə danışıb, iştirakçıları müvafiq mövzularda maraqlandıran sualları cavablandırıb.
Qeyd edək ki, layihənin başlıca məqsədi xaricdə yaşayan, musiqi, teatr, kino, ədəbiyyat və elm sahəsində peşəkar uğurlara imza atmış istedadlı soydaşlarımızın fəaliyyəti ilə Azərbaycan tamaşaçılarını tanış etməkdir. Maarifləndirici xarakter daşıyan bu təşəbbüs tanınmış və istedadlı azərbaycanlıların yaradıcılığını gənclərimizə daha yaxın və daha anlaşılan edir.
Bölmənin digər xəbərləri
