İQTİSADİYYAT


Mərkəzi Bank uşaqlar üçün növbəti yay məktəbi təşkil edib

Bakı, 31 iyul, AZƏRTAC

Mərkəzi Bank uşaqlar üçün növbəti yay məktəbi təşkil edib.

Bankdan AZƏRTAC-a bildiriblər ki, Mərkəzi Bankının iqtisadi maarifləndirmə istiqamətində həyata keçirdiyi və iştirakçıların böyük marağına səbəb olan tədbirlərdən biri də yay məktəbidir. 2016-cı ildən etibarən təşkil edilən yay məktəbi cari ildə 11-13 yaşlı uşaqlar üçün "Maliyyə bacarıqlarını kəşf et!" şüarı ilə təşkil olunub. Tədbirin əsas məqsədi uşaqları pulun tarixi, pul nişanları, büdcə anlayışı və şəxsi büdcənin hazırlanması, qənaət və israf, yığım və biznes planların qurulması mövzuları üzrə əyləncəli formada maarifləndirmək olub.

Yay məktəbində uşaqlara hər günün mövzusuna uyğun təqdimatlar keçirilib, öyrədici videoçarxlar izlədilib və intellektual oyunlar oynadılıb. Mövzuların uşaqlara lazımi səviyyədə aşılanması məqsədilə sessiyalar müxtəlif tapşırıqlar və əyani vəsaitlərlə dəstəklənərək interaktiv şəkildə aparılıb.

Qeyd edək ki, budəfəki yay məktəbinə "AccessBank" və "Atəşgah" Sığorta Şirkəti də dəstək verib. Yay məktəbi çərçivəsində iştirakçılar dəstəkləyici qurumların baş ofislərinə də səfər ediblər. Uşaqlara bank xidmətləri və sığorta fəaliyyəti haqqında ətraflı məlumat verilib və onları maraqlandıran suallar cavablandırılıb.

Yay məktəbi ərzində iştirakçılar təlim materialları ilə təmin olunub, tədbirin sonunda müxtəlif hədiyyələr və sertifikatlarla mükafatlandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.