® “AccessBank” 2024-cü il üzrə maliyyə hesabatını açıqlayıb
Mikro, kiçik və orta sahibkarlığın kreditləşməsi bazarının lideri olan “AccessBank” 2024-cü il üzrə maliyyə nəticələrini açıqlayır.
Ətraflı məlumat əldə etmək üçün: https://bit.ly/423QT61
Bank 2024-cü il nəticələrinə görə 54,1 milyon manat xalis mənfəət əldə edib. Eyni göstərici 2023-cü ildə 39,8 milyon manat təşkil edib. Nəticədə, bankın kapital dayanıqlığı göstəricisi daha da möhkəmlənib və məcmu kapitalı ötən illə müqayisədə 29 faiz və ya 41,5 milyon manat artaraq 185 milyon manata yüksəlib ki, bu da requlyativ tələbdən 3,7 dəfə çoxdur.
Sözügedən artımın drayverləri kimi kredit portfelinin, xüsusən biznes kreditlərinin artımı, depozitorların banka inamının artması, habelə yeni beynəlxalq kreditlərin cəlb edilməsi qeyd oluna bilər. Belə ki, ötən il ərzində:
- Kredit portfeli 13,6 faiz və ya 137,8 milyon manat artıb və hesabat dövrünün sonuna cəmi kredit portfeli 1 151,5 milyon manat təşkil edib.
- Kredit portfelinin 78,3 faizi biznesə ayrılmış kreditlər təşkil edir ki, biznes portfelinin həcmi 901,9 milyon manatdır. Hesabat dövrü ərzində biznes portfeli 15,6 faiz və ya 121,8 milyon manat artıb. İl ərzində verilmiş biznes kreditlərinin 59,5 faizi regionların payına düşür.
- Depozit portfelinin həcmi 1 milyard manatdan yüksəkdir və 2024-cü ilin sonuna 1 026,5 milyon manat təşkil edir.
- “AccessBank” 2024-cü ildə beynəlxalq nüfuzlu xarici kreditorlardan 73,1 milyon manat həcmində kredit cəlb edib.
- Bankın aktivləri 1,5 milyard manata çatır, bu da 2023-cü illə müqayisədə 6,7 faiz çoxdur.
- Faiz gəlirləri 2023-cü illə müqayisədə 14,9 faiz artaraq 224.4 milyon manat təşkil edib. Xalis faiz gəlirləri isə 2023-cü illə müqayisədə 18,2 milyon artaraq 140,2 milyon manata yüksəlib.
- Qeyri-faiz gəlirləri 18,1 milyon manat təşkil edir.
- Xalis əməliyyat mənfəəti 2024-cü ildə 69,1 milyon manata çatıb. 2023-cü ildə eyni göstərici 56,3 milyon manat təşkil edib.
- Bankın likvidlik mövqeyi dayanıqlıdır və likvidlik əmsalı 70,6 faiz təşkil edir ki, bu da AMB-ın tələb etdiyi minimum normadan 2,4 dəfə yüksəkdir.
“AccessBank” Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 21-i bölgələrdə olmaqla 35 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat linkdə təqdim edilir: http://bit.ly/accessbank-filiallar
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (feysbuk, instaqram, linkedin) müraciət edə bilərsiniz.
“AccessBank” QSC Azərbaycan Respublikası Mərkəzi Bankı tərəfindən 2002-ci il 25 oktyabr tarixli 245 saylı lisenziya əsasında fəaliyyət göstərir. Bankın baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.
Bölmənin digər xəbərləri
