® Bir neçə ay ərzində 2 mindən çox şəxs ABB-nin daxili ipoteka krediti ilə ev alıb
AZƏRTAC-ın müsahibi ABB-nin Pərakəndə kreditlər sahəsinin rəhbəri (Tribe Lead) Eldar Xubanlıdır.
-Hazırda istehlak kreditləri ilə bağlı bazarda hansı meyillər müşahidə olunur?
-Əsas tendensiya kreditlərin bütün müştərilər üçün daha əlçatan, şərtlərinsə daha sərfəli olmasıdır. Sektordakı azad rəqabət mühiti müştərilərə geniş seçim imkanı yaradır. Nağd pul kreditini məhz ABB-dən almaqdan ötrü isə kifayət qədər səbəblər var. Biz 30 min manata qədər krediti müştərilərimizə cəmi 12,9 faizdən başlayan faiz dərəcəsi ilə, 60 ayadək müddətə təklif edirik. Üstəlik, kredit alan müştərilərə “TamKart” kredit kartı hədiyyə edilir. Rəsmi gəliri olan hər kəs ABB-nin nağd pul krediti imkanlarından faydalana bilər.
-Bildiyimiz qədər, ABB-dən krediti banka gəlmədən onlayn şəkildə, cəmi bir neçə kliklə almaq mümkündür...
-Bəli, maksimum rahatlıq üçün belə bir imkanı yaratmışıq. Müştəri istədiyi yerdən ABB mobile tətbiqinə, yaxud Bankımızın saytına daxil olub krediti sifariş verir. Seçimindən asılı olaraq kredit məbləği birbaşa onun kartına köçür. Əgər müştərinin kartı yoxdursa, kredit məbləği istəyi əsasında ünvanına çatdırılır, yaxud müştəri özü hər hansı seçdiyi filialımızdan kreditini götürür. Kreditin sifariş verilməsi və əldə olunması prosesi hətta bir neçə dəqiqə çəkir.
-Hazırda ABB-nin daxili ipoteka krediti şərtləri necədir?
-ABB bir neçə ay əvvəl daxili ipoteka krediti şərtlərini dəyişdi və müştərilər üçün son dərəcə sərfəli təkliflər formalaşdırdı. Hazırda Bankımızda daxili ipoteka krediti cəmi 6 faizdən başlanan faizlərlə təklif edilir. İlkin ödəniş 15 faizdən başlanır. Kredit 25 il müddətinə ayrılır. Maksimal məbləğ isə 500 min manatdır. ABB-nin daxili ipoteka kreditinin şərtləri müştərilər üçün o qədər cəlbedicidir ki, bir neçə ay ərzində 2 mindən çox şəxs artıq bu imkandan yararlanaraq yeni ev ala bilib.
-Daxili ipoteka krediti mənzillərə, yoxsa fərdi yaşayış evlərinə verilir?
-Fərqi yoxdur. ABB-nin daxili ipoteka krediti ilə həm yeni və köhnə tikililərdə mənzillər almaq olar, həm də fərdi yaşayış evləri, o cümlədən bağ evləri almaq mümkündür. Orasını da deyim ki, ABB olaraq biz 30-dan çox tikinti şirkəti ilə tərəfdaşlıq edirik və bu şəbəkəni getdikcə genişləndiririk. Həmin tikinti şirkətlərinin inşa etdiyi binalardan müştərilərimiz sadələşdirilib və çox əlverişli şərtlərlə təmirli, yaxud təmirsiz mənzillər ala bilərlər. Üstəlik, bu şirkətlərin də ABB-nin daxili ipoteka kreditlərindən yararlanan şəxslər üçün, xüsusilə gənc ailələr üçün özəl təklifləri, endirim kampaniyaları olur. Bir sözlə, tam arzularındakı evə sahib olmaq üçün müştərilərimizə geniş seçim imkanı yaradırıq. İpoteka kreditləşməsi sahəsində fəaliyyəti genişləndirməyimiz ölkəmizdə tikinti sektoruna da müsbət təsir göstərir. Bilirsiniz ki, bu, kifayət qədər böyük, çoxşaxəli sektordur, əhalinin məşğulluğunda mühüm rol oynayır. ABB öz daxili resursları ilə yanaşı, Azərbaycan Respublikasının İpoteka və Kredit Zəmanət Fondunun vəsaiti hesabına da ipoteka kreditləri ayırır.
-Daxili ipoteka kreditini də onlayn qaydada sifariş etmək olur?
-Bəli, hər bir müştəri daxili ipoteka kreditlərimizi “ABB mobile” tətbiqindən, yaxud Bankımızın saytından onlayn sifariş edə bilər. Müraciətə cəmi 3-5 gün içində baxılır və qərar verilir.
Bölmənin digər xəbərləri
