® Cahid Şahbazov: Artıq dünyadan pasiyentlər mərkəzimizə axışacaq!
Tanınmış həkim, oftalmoloq, doktor Cahid Şahbazov Azərbaycanda ilk dəfə makuladistrofiya əməliyyatını gerçəkləşdirib.
Bu barədə açıqlama verən həkim bildirib ki, indiyədək insanlara “Bu xəstəliyin müalicəsi yoxdur” cavabı verilib: “Bu xəstəliyin tam müalicəsi olmasa da, FDA (Amerika Qida və Həb Mərkəzi - red.) tərəfindən təsdiq olunmuş cərrahi sağalma üsulu var. Müalicəsi yoxdur demək, bir növ qeyri-peşəkarlıq, laqeydlikdir. “Bunun müalicəsi var, amma məlumatımız yoxdur” və ya “bunun müalicəsi var, amma xaricdədir” demək daha doğru olar.
Bu gün ölkədə ilk dəfə FDA tərəfindən təsdiq olunmuş və güvənilən 3 cərrahi əməliyyat növünün ikisini icra etmənin qürurunu yaşayırıq. Bunlardan biri daha yaxşı görən, amma makulyar distrofiyası olan xəstələr üçün “Eyemax-Mono” əməliyyatı, digəri isə görmə faizi daha aşağı olan xəstələr üçün “SML Shariott” linzalarıdır.
Bu əməliyyatı icra etdiyimiz xəstələrin hamısı həkim və onların yaxınlarıdır, eyni zamanda, xarici ölkələrdən ciddi tələbat var. Bəzi xəstəliklərin tam müalicəsi mümkün olmasa da, insanların həyatını və yaşam keyfiyyətini artıran cərrahi üsullar var.
Bu, hələ icra etdiyimiz dünya standartlarındakı yeniliklərdən sonuncusu deyil. Hələ 10-a yaxın dünyanın ən qabaqcıl klinikalarında icra olunan əməliyyat növlərimiz var, onları da mərhələ-mərhələ təqdim edəcəyik.
Unutmayaq ki, müasir tibb cihazlardan, lazerlərdən, yəni mühəndislik zehnindən çox asılıdır. Müasir həkim bunu inkar etməməlidir. Yerimizdə dayansaq, 3-4 il sonra zamanı geri qaytara bilməyəcəyik və zamandan çox geri qalacağıq. Bu gün dünyada mövcud olan bütün müasir müalicə üsulları mərkəzimizdə var. Biz bəzi şirkətlərlə onların rəhbərliyi səviyyəsində iş birliyindəyik. Yeni texnologiyalar dünyada o qədər nadir tətbiq olunur ki, onlar bizim təcrübəmizə istinad edir, fikrimizi soruşur”.
C.Şahbazov yeni planlarından da söz açıb:
“Çox böyük hədəflərim var, peşəmə dair böyük dəyişikliklər olacağına əminəm! Mükəmməl göz sağlamlıq mərkəzi, həm də dünya səviyyəsində işlər görən tibb ocağı! Dünyadan insanlar bizim mərkəzimizə axışacaq!
Öz xalqımıza xidmət edəcəyik bunun qarşılığında həm də təmənnasız!
Hazırda icra etdiyim bəzi əməliyyatlar dünyada istifadə olunan ən son texnologiyalardır və təəssüf ki, bəziləri əlçatmazdır (maddi olaraq), onları hətta təmənnasız etməyə gücüm çatacaq! Amin! Möhtəşəm işlər bizi gözləyir!”.
Bölmənin digər xəbərləri
