® “Bank of Baku”dan növbəti könüllü qanvermə aksiyası
Biznes fəaliyyətində korporativ sosial məsuliyyəti də daima diqqətdə saxlayan “Bank of Baku” növbəti könüllü qanvermə aksiyası həyata keçirib.
“Bank of Baku”nun Səhiyyə Nazirliyi Respublika Qan Bankı ilə birgə əməkdaşlığı çərçivəsində mayın 13-də baş tutan aksiya talassemiya, hemofiliya və digər qan xəstəlikləri olan insanlara dəstək məqsədi daşıyıb.
“Qan donorluğu həyat xilas edir!” şüarı ilə baş tutan aksiyada “Bank of Baku” əməkdaşları könüllü qan donoru olaraq fəal şəkildə iştirak ediblər. İlkin tibbi müayinədən uğurla keçən əməkdaşlardan həkimlərin nəzarəti altında qan götürülüb.
Qeyd edək ki, toplanan qan nümunələri Respublika Qan Bankında bir daha müvafiq yoxlamalardan keçirildikdən sonra qana ehtiyacı olan insanlar üçün istifadə ediləcək.
Məlumat üçün bildirək ki, “Bank of Baku” bir neçə ildir qanvermə aksiyası təşkil edir, bununla da könüllü qan donorluğunun həyati əhəmiyyətini vurğulayaraq insanları qan verməyə təşviq edir.
Bölmənin digər xəbərləri
