"Firewall" sistemi kompyuterlərdəki fərdi məlumatların oğurlanması hallarının qarşısını alır
Bakı, 18 yanvar, AZƏRTAC
Kompyuterlərdəki fərdi məlumatların oğurlanması hallarının qarşısının alınması üçün "Firewall" sistemindən istifadə olunmalıdır.
AZƏRTAC xəbər verir ki, bu barədə Rabitə və Yüksək Texnologiyalar Nazirliyi yanında Elektron Təhlükəsizlik Mərkəzinin mütəxəssisləri məlumat veriblər.
Qeyd olunub ki, "Firewall" internetdən gələn təhlükələrə qarşı müdafiə üçün şəbəkəyə girişi məhdudlaşdıran bir sistemdir. Bu sistem həm proqram təminatı (software), həm də aparat təminatı (hardware) kimi tətbiq oluna bilər. "Firewall" şəbəkəni təhlükəsiz saxlamağa imkan verir. Şəxsi məlumatları qorumaq üçün "Firewall" sazlanmasından əlavə kompyuterlərə antivirus proqramları da yazılmalıdır və həm antivirus proqramı, həm də "Firewall" daim yenilənməlidir.
Bölmənin digər xəbərləri
