"Turan Tovuz" xal itirib, "Zirə" - "Qarabağ" matçında qalib müəyyənləşməyib
Bakı, 13 sentyabr, AZƏRTAC
Futbol üzrə Azərbaycan Premyer Liqasında V turun daha 2 oyunu keçirilib.
AZƏRTAC xəbər verir ki, günün ilk matçı Şamaxıda "Araz-Naxçıvan" və "Turan Tovuz" arasında baş tutub. Matçda qalib müəyyənləşməyib - 2:2.
Turun mərkəzi oyununda isə "Zirə" "Qarabağ"ı qəbul edib. Bu görüşdə də heç-heçə qeydə alınıb - 1:1.
Bu nəticələrdən sonra "Qarabağ" və "Zirə" hərəyə 10 xalla müvafiq olaraq, 2-ci və 3-cü yerlərdə qərarlaşıb. "Turan Tovuz" 8 xalla 5-ci, "Araz-Naxçıvan" 2 xalla 11-ci sırada yer alıb.
Qeyd edək ki, V turun əvvəlki matçlarında "Neftçi" "İmişli"yə 3:2, "Kəpəz" "Qəbələ"yə 1:0 hesabı ilə qalib gəlib, "Sumqayıt" - "Şamaxı" matçı isə qollu heç-heçə ilə başa çatıb - 1:1.
Tura sentyabrın 13-də "Şəfa" - "Sabah" matçı ilə yekun vurulub.
Bölmənin digər xəbərləri
