“ABB-MOSKVA” Azərbaycan Beynəlxalq Bankından
AZƏRTAC-ın müxbirinə bildirmişlər ki, bankın Lyublino rayonundakı “Moskviç” mehmanxansında yeni ofisi açılmışdır. Azərbaycan diasporunun nümayəndələri üçün xüsusilə rahat olan ofis hər cür xidmət, o cümlədən hüquqi və fiziki şəxslərə xidmət, təşkilatlara hesabat-kassa xidməti, hesab açmadan pul köçürmələri, plastik kartlar, əmanətlər qoyulması və valyuta mübadiləsi təklif edir. Mətbuat xidmətindən bildirmişlər ki, biznesin inkişaf etdirilməsi üçün ərazi əlaməti üzrə reklam kampaniyaları keçirmək planlaşdırılır ki, bu da bankın və onun xidmətlərinin imicini yüksəldəcək, müştəri axınını təmin edəcəkdir.
Moskva şəhərinin sürətlə tikilib abadlaşdırılan mərkəzlərindən biri sayılan Lyublino rayonu sakinlərinin bank xidmətlərinə tələbatı günbəgün artır. “ABB-MOSKVA”nın bu çox iri rayonlarında ofislərinin açılması şəxsi əməliyyatların həcmini artırmaq və əhaliyə zəruri bank xidmətləri göstərmək baxımından vacibdir. Yeni ofisin açılışı Moskva regionunda bank şəbəkəsini inkişaf etdirmək və xidmətləri potensial müştərilərin cəmləşdiyi yerlərə yaxınlaşdırmaq strategiyası çərçivəsində baş tutmuşdur.
