ABŞ AZƏRBAYCANIN ƏRAZI BÜTÖVLÜYÜNÜ DƏSTƏKLƏYIR
“Birləşmiş Ştatlar Azərbaycanin ərazi bütövlüyünü dəstəkləyir.
Biz Dağlıq Qarabağı müstəqil ölkə kimi tanımırıq.
Dağlıq Qarabağın gələcək statusu Minsk prosesində danışıqların mövzusudur. Biz inanmırıq ki, orada keçirilməsi nəzərdə tutulan seçkilər sülh prosesinə təsir göstərsin. ATƏT-in Minsk qrupunun digər həmsədrləri - Fransa və Rusiya ilə birlikdə bizim Dağlıq Qarabağ münaqişəsinin aradan qaldırılmasında vasitəçilik mandatımız var. Bu baxımdan biz bütün tərəflərlə işləməyi davam etdirəcəyik”.
Dövlət Departamentinin nümayəndəsi Minsk qrupunda ABŞ-ın təmsilçisinin dəyişdirilməsi ilə bağlı suala cavabında bildirmişdir ki, səfir Kavano Dağlıq Qarabağ və Avrasiya münaqişələri üzrə danışıqlarda xüsusi vasitəçi vəzifəsində fəaliyyətini avqustun 27-də başa çatdırmışdır. ABŞ-ın Moldovadakı səfiri Rudolf Perina bu vəzifədə onu əvəz edəcək və noyabrın 1-də öz fəaliyyətinə başlayacaqdır. O vaxtadak isə bu vəzifəni xüsusi vasitəçinin müavini Kennet Hillas yerinə yetirəcəkdir.
Şəfəq Akifqızı
AZƏRTAC-ın xüsusi müxbiri
Vaşinqton
Bölmənin digər xəbərləri
