Saymon Stil: Təmiz enerjiyə keçid prosesi artıq dönməzdir
Bakı, 9 sentyabr, AZƏRTAC
Azərbaycan Hökumətinə bizə yenidən belə yüksək sadiqlik və məqsədyönlüklə ev sahibliyi etdiyi üçün təşəkkür edirəm.
AZƏRTAC xəbər verir ki, bunu sentyabrın 9-da Bakıda Azərbaycanın ev sahibliyi və Xarici İşlər Nazirliyinin təşkilatçılığı ilə keçirilən BMT-nin İqlim Dəyişmələri üzrə Çərçivə Konvensiyasının Dördüncü İqlim Həftəsinin (CW4) yüksəksəviyyəli açılış mərasimində çıxışı zamanı BMT-nin İqlim Dəyişmələri üzrə Çərçivə Konvensiyasının icraçı katibi Saymon Stil deyib.
"Mənim üçün Bakıda əldə olunmuş nəticələrə qayıtmaq öhdəliklərin tam icrası üçün bir istinad nöqtəsidir. Bu, danışıqlar zallarında verilən vədlərin yerlərdə real layihələrə, investisiyalara və insanlar üçün müdafiəyə çevrilib-çevrilməməsinin sınağıdır. Bu, son dərəcə vacibdir. İqlim əməkdaşlığının qlobal bir reallıq olduğunu bilirik",- deyə Saymon Stil bildirib.
Onun fikrincə, təmiz enerjiyə qoyulan investisiyalar artıq ildə 2 trilyon dolları ötür və bərpaolunan enerji mənbələri dünyanın əsas elektrik enerjisi mənbəyi kimi kömürü geridə qoyur.
"Təmiz enerjiyə keçid prosesi artıq dönməzdir. Lakin iqlim dəyişikliyinin mənfi təsirləri də eyni sürətlə irəliləyir",- deyə icraçı katib əlavə edib.
Bölmənin digər xəbərləri
