Ağdam Sənaye Parkının ərazisində 100-dən çox ağac əkilib
Bakı, 29 sentyabr, AZƏRTAC
İqtisadiyyat Nazirliyinin tabeliyində İqtisadi Zonaların İnkişafı Agentliyinin (İZİA) təşkilatçılığı ilə Ağdam Sənaye Parkında 27 Sentyabr – Anım Günü ilə əlaqədar ağacəkmə aksiyası keçirilib.
İZİA-dan AZƏRTAC-a bildirilib ki, Ağdam Sənaye Parkının rezidentlərinin iştirak etdiyi tədbir çərçivəsində parkın ərazisində 100-dən çox ağac əkilib. Tədbirin keçirilməsində məqsəd şəhidlərimizin əziz xatirəsini yad etmək, onların müqəddəs xatirəsini yaşatmaq, həmçinin Ağdam Sənaye Parkının ərazisində yaşıllıq sahələrinin genişləndirilməsinə və ətraf mühitin qorunmasına töhfə verməkdir.
Bölmənin digər xəbərləri
