ABŞ-DA QASIRĞADAN 15 NƏFƏR HƏLAK OLMUŞDUR
Ötən gecə ölkənin paytaxtı Vaşinqton şəhərinə də qasırğadan ziyan dəymişdir. Potomak çayı daşaraq şəhərin bir sıra küçələrini basmış, maşınların gediş-gəlişi çətinləşmişdir. Şəhərdə və onun ətrafında bütün günü leysan yağmış, küləyin gücü bəzi yerlərdə saatda 80 kilometrə çatmışdır.
Artıq ikinci gündür ki, bütün hökumət idarələri bağlanmış, rəsmi və əyləncəli tədbirlər təxirə salınmışdır. Hava limanları işləmir. Naməlum əsgərin məzarı yerləşən milli Arlinqton qəbiristanlığında fəxri keşik çəkən əsgərlərə, ABŞ tarixində ilk dəfə olaraq, postlarını tərk edərək sığınacaqda daldalanmağa icazə verilmişdir.
Atlantikadan gələn “İzabel” qasırğası Vaşinqtonun cənub-qərbindən keçərək şimala, Kanadaya tərəf yönəlmiş və tədricən zəifləmişdir. ABŞ paytaxtında hava şəraiti artıq yaxşılaşmışdır.
Bölmənin digər xəbərləri
