ABŞ-da Walmart supermarketində atışma nəticəsində 7 nəfər həlak olub VİDEO
Bakı, 23 noyabr, AZƏRTAC
ABŞ-ın Çesapik şəhərindəki (Virciniya ştatı) Walmart supermarketində baş verən atışma nəticəsində hücum edən şəxs də daxil olmaqla, 7 nəfər ölüb.
AZƏRTAC xəbər verir ki, bu barədə ABC telekanalı polis orqanlarına istinadla məlumat yayıb. Yerli xəstəxanalardan biri onlara beş yaralının gətirildiyini bildirib.
Polisə atışma ilə bağlı məlumat yerli vaxtla saat 22:12-də (Bakı vaxtı ilə 07:12) daxil olub. Hadisədən bir qədər əvvəl supermarketdə gecə növbəsində çalışanlar işə başlayıb. Hüquq mühafizə orqanlarının gecə yarısından sonra keçirdiyi brifinqdə həlak olanların və atəş açan şəxsin kimliyi barədə dəqiq məlumat verməyib.
Walmart mağazalar şəbəkəsi baş verən faciədən sarsıldığını bildirib və istintaqa bütün lazımi yardımı göstərib.
Bölmənin digər xəbərləri
