ABŞ-IN BEYNƏLXALQ QURUMLAR QARŞISINDAKI BORCU 293 MİLYON DOLLARA ÇATMIŞDIR
AZƏRTAC xəbər verir ki, ABŞ-ın Birləşmiş Millətlər Təşkilatı (BMT) və İqtisadi Əməkdaşlıq və İnkişaf Təşkilatı (İƏİT) qarşısındakı borcu 293 milyon dollara çatmışdır. Bunu “Yu-Es-Ey tudey” qəzetinin ABŞ Dövlət Departamentindən və Amerika Konqresi Senatının Təxsisat Komitəsinin xarici əməliyyatlar üzrə altkomitəsindən aldığı rəsmi məlumat təsdiq edir.
Həmin məlumata əsasən, Vaşinqtonun ən böyük borcu BMT-nin sülhməramlı əməliyyatlarını maliyyələşdirməsi və təşkilatın büdcəsinə mütəmadi ödəmələr hesabına yaranmışdır. Birincinin məbləği 159 milyon dollar, ikincininki isə 51, 2 milyon dollar təşkil edir. Bundan əlavə, ABŞ BMT-nin Ərzaq və Kənd Təsərrüfatı Təşkilatına (FAO) 8,7 milyon dollar, qurumun Təhsil, Elm və Mədəniyyət Məsələləri Təşkilatına (YUNESKO) 7,2 milyon dollar borcludur. Birləşmiş Ştatların BMT-nin strukturuna daxil olmayan İƏİT-ə borcu isə 4,5 milyon dollardır.
Bölmənin digər xəbərləri
