ABŞ-ın nüfuzlu bankının vitse-prezidenti UNEC tələbələri ilə görüşüb
Bakı, 5 may, AZƏRTAC
ABŞ-nin məşhur “Bank of New York Mellon (BNY Mellon)” bankının vitse-prezidenti Emeric Crue Azərbaycan Dövlət İqtisad Universitetinin (UNEC) Beynəlxalq İqtisadiyyat Məktəbinin tələbələri ilə görüşüb.
Bu barədə AZƏRTAC-a UNEC-dən məlumat verilib. Bildirilib ki, tələbələrə “Maliyyə təhlili” üzrə açıq mühazirə keçən Emeric Crue onlara maliyyə riskləri, risklərin modelləşdirilməsi, kredit riskinin idarə edilməsi, Bazel prinsipləri və bank kapitalı barədə ətraflı məlumat verib.
Görüşdə, həmçinin iflasa uğrayan dünya səviyyəli bankların təcrübəsi və yol verilən yanlışlıqlar barədə Emeric Crue ilə tələbələr arasında fikir mübadiləsi aparılıb.
Bölmənin digər xəbərləri
