ABŞ İRANLA BİRBAŞA DANIŞIQLARDAN İMTİNA ETMİŞDİR
O demişdir: “İran rejimi, hər şeydən əvvəl, tamamilə itirilmiş etimadı bərpa etmək üçün beynəlxalq birlik tərəfindən ona qarşı irəli sürülən tələbləri yerinə yetirməlidir”.
Dövlət Departamentinin nümayəndəsi qeyd etmişdir ki, Vaşinqtonla Tehran arasında diplomatik münasibətlərin olmamasına baxmayaraq, ABŞ-ın İranla “əlaqə kanalları” var. MakKormak İsveçrəni, BMT Təhlükəsizlik Şurasının daimi üzvlərini və Beynəlxalq Atom Enerjisi Agentliyini belə “əlaqə vasitələri” adlandırmışdır.
Ötən həftə senatorlar Riçard Luqar və Kristofer Dodd İranla danışıqlar aparılmasına tərəfdar olduqlarını açıqlamışdılar. Məsələn, Luqar enerji ehtiyatları təchizatçısı kimi İranın rolunu qeyd edərək demişdir ki, İrana qarşı qadağalar qoyulması vaxtından əvvəl atılmış addım olardı.
Bununla belə, ABŞ KİV-ləri bildirmişlər ki, İran Ali Milli Təhlükəsizlik Şurası katibinin müavini Məhəmməd Nəvahəndian hazırda Vaşinqtondadır. MakKormak İran hökuməti nümayəndəsinin ABŞ-da olmasını nə inkar etmiş, nə də təsdiqləmişdir. Onun sözlərinə görə, Nəvahəndianı Vaşinqtona danışıqlara nə Dövlət Departamenti, nə də ABŞ hökuməti dəvət etmişdir.
Bölmənin digər xəbərləri
