ABŞ QIRMIZI XAÇ TƏŞKİLATINI 5,7 MİLYON DOLLAR MƏBLƏĞİNDƏ CƏRİMƏLƏMİŞDİR
ABŞ Dərman və Ərzaq Müdiriyyətinin noyabrın 21-də Qırmızı Xaç Təşkilatına göndərdiyi məktubda deyilir ki, pozuntular Nyu-York ştatındakı Vest Henriyettdə Qırmızı Xaç bölməsinin yoxlanılması zamanı aşkarlanmışdır. Pozuntular, xüsusilə, donorların seçiminə aid olmuşdur. Ekspertlər cəmi bir ay işlədikləri müddətdə təqribən 207 pozuntu aşkar etmişlər.
Bu, 2003-cü ildə məhkəmə Dərman və Ərzaq Müdiriyyətinin qaydalarını pozduğuna görə Qırmızı Xaç Təşkilatını böyük məbləğdə cərimələməyə icazə verdiyi vaxtdan ən böyük cərimədir. İndiyədək müxtəlif pozuntulara görə Qırmızı Xaç Təşkilatının üzərinə qoyulmuş cərimələrin ümumi məbləği təqribən 10 milyon dollar təşkil etmişdir. Əgər Amerikanın hökumət orqanları vəziyyətin düzəldilməsi sahəsində Qırmızı Xaç Təşkilatının kifayət qədər iş görmədiyini qərara alsalar, cərimənin məbləği arta bilər.
Bölmənin digər xəbərləri
