ABŞ Rumıniyadakı hərbçilərinin ixtisarı barədə Buxaresti məlumatlandırıb
Bakı, 29 oktyabr, AZƏRTAC
Birləşmiş Ştatlar Rumıniyadakı hərbçilərinin təxminən 700-nü ixtisar edəcək.
AZƏRTAC xəbər verir ki, bu barədə Rumıniya Müdafiə Nazirliyinin press-relizində deyilir.
“ABŞ qlobal mövqeyinin yenidən qiymətləndirilməsi çərçivəsində NATO-nun şərq cinahında yerləşdirilən qoşunlarının sayında ediləcək dəyişikliklər barədə bizi məlumatlandırıb. Avropada rotasiyası dayandırılacaq hərbi hissələr arasında Rumıniyaya yerləşdirilən qüvvələr də var”, - deyə sənəddə bildirilir.
Rumıniya Müdafiə Nazirliyi, həmçinin bundan sonra ölkədə təxminən 1000 amerikalı hərbçinin qalacağını qeyd edib.
Bölmənin digər xəbərləri
