ABŞ SƏFİRİ AMERİKA PİANOÇUSUNUN ŞƏRƏFİNƏ QƏBUL TƏŞKİL ETMİŞDİR
AZƏRTAC xəbər verir ki, mayın 13-də ABŞ-ın Azərbaycandakı səfiri Ann Ders öz iqamətgahında Sumqayıtda və Gəncədə pulsuz konsertlər verməyə hazırlaşan Amerika pianoçusu Robert Konveyin şərəfinə qəbul təşkil etmişdir.
Ann Ders demişdir: “Bildiyiniz kimi, ölkələrimiz arasında siyasət, iqtisadiyyat və təhlükəsizlik sahəsində möhkəm ikitərəfli münasibətlər vardır. Təhsil, elm, incəsənət və əlbəttə, musiqi sahəsində qarşılıqlı münasibətlər isə dostluğumuzu möhkəmləndirir və inkişaf etdirir”.
Xanım Ders vurğulamışdır ki, Robert Konvey XX əsrdə Amerikanın ən görkəmli pianoçularından biridir.
Sonda R.Konvey Amerika bəstəklarlarının, dahi Azərbaycan bəstəkarı Qara Qarayevin əsərlərini ifa etmişdir.
Robert Konveyin turnesi “Mədəniyyət səfiri” layihəsi çərçivəsində ABŞ-ın Azərbaycandakı səfirliyinin sponsorluğu ilə həyata keçirilir.
Bölmənin digər xəbərləri
