ABŞ və Finlandiya 11 buzqıran gəminin inşası ilə bağlı razılığa gəliblər
Vaşinqton, 10 oktyabr, AZƏRTAC
ABŞ və Finlandiya ABŞ-ın Arktika regionunda müdafiəsini gücləndirməyə kömək edə biləcək 11 buzqıran gəminin inşası ilə bağlı razılığa gəliblər. AZƏRTAC-ın məlumatına görə, bu barədə iki ölkə lideri Ağ Evdə keçirilən görüş zamanı elan edib.
Müqaviləyə əsasən buzqıran gəmilərin dördü Finlandiyada, yeddisi isə ABŞ-da düzəldiləcək.
ABŞ Prezidenti Donald Tramp bildirib ki, Finlandiya ABŞ-a buzqıran gəmi işini öyrədəcək.
Finlandiya Prezidenti Aleksandr Stubb Arktikanın ABŞ-ın maraqları üçün əsas strateji bölgə olduğunu qeyd edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
