ACARISTAN RƏHBƏRİNİN BƏYANATI

21.11.2003 [21:09]
Çap et
A⁺ A^-

AZƏRTAC-ın Tbilisidən aldığı xəbərdə deyilir ki, Acarıstan Muxtar Respublikasının başçısı Aslan Abaşidze Batumi televiziyası ilə çıxış edərək bəyanat vermişdir. O bildirmişdir ki, Gürcüstanda vətəndaş müharibəsi başlansa, onun Acarıstan ərazisində yayılmasına yol verməyəcəkdir.

A.Abaşidze demişdir: “Ölkədə siyasi qarşıdurma güclənib vətəndaş müharibəsinə çevrilsə, Muxtar Respublikanın hakimiyyət orqanları onun Acarıstanda yayılmasına yol verməmək və yerli əhalinin bu müharibəyə cəlb edilməməsi üçün bütün zəruri tədbirləri görəcəklər. Vətəndaş müharibəsi başlanarsa, Muxtar Respublikanın hakimiyyət orqanları, 1992-93-cü illərdə olduğu kimi, onun Gürcüstanın digər bölgələri ilə inzibati sərhədinin qorunmasını gücləndirəcəklər”.

ACARISTAN RƏHBƏRİNİN BƏYANATI

MÜƏLLİFLƏ ƏLAQƏ

Bölmənin digər xəbərləri