ELM VƏ TƏHSİL
ADA Universitetində ingilis dili müəllimlərinin konfransı keçirilib
![](/files/galleryphoto/2024/2/1200x630/17195607123360717992_1200x630.jpg)
![](/files/galleryphoto/2024/2/1200x630/17195607125980917854_1200x630.jpg)
![](/files/galleryphoto/2024/2/1200x630/17195607121747363562_1200x630.jpg)
![](/files/galleryphoto/2024/2/1200x630/17195607126444036534_1200x630.jpg)
![](/files/galleryphoto/2024/2/1200x630/17195607121150855912_1200x630.jpg)
![](/files/galleryphoto/2024/2/1200x630/17195607121629331885_1200x630.jpg)
![](/files/galleryphoto/2024/2/1200x630/17195607125523740522_1200x630.jpg)
![](/files/galleryphoto/2024/2/1200x630/17195607124098164646_1200x630.jpg)
![](/files/galleryphoto/2024/2/1200x630/17195607125101710158_1200x630.jpg)
![](/files/galleryphoto/2024/2/1200x630/17195607122516758045_1200x630.jpg)
Bakı, 28 iyun, AZƏRTAC
İyunun 28-də ABŞ-ın ölkəmizdəki səfirliyinin, ADA Universitetinin və Şimali Karolina Dövlət Universitetinin nümayəndələri 400-dən çox azərbaycanlı orta məktəb ingilis dili müəllimləri üçün iki günlük seminar və konfransın açılışını ediblər.
AZƏRTAC xəbər verir ki, açılış nitqi ilə ABŞ səfirliyinin missiya rəhbərinin müavini Huqo Qevara və ADA Universitetinin strategiya və inkişaf üzrə prorektoru Vəfa Kazdal çıxış ediblər.
Konfrans Şimali Karolina Dövlət Universiteti tərəfindən icra olunan və ABŞ Dövlət Departamenti tərəfindən maliyyələşdirilən azərbaycanlı ingilis dili müəllimləri üçün 18 həftəlik onlayn magistr səviyyəli ingilis dilinin tədrisi üzrə sertifikat proqramının yekun tədbiridir. Bu il proqramın həyata keçirildiyi dördüncü ildir. Tədbirdə Azərbaycanın müxtəlif bölgələrindən, o cümlədən Bakı, Gəncə, Naxçıvan, Mingəçevir, Yevlax, Sumqayıt, Bərdə, Gədəbəy, Şəmkir, Şəki, Zaqatala, Füzuli, Lənkəran, Astara, Masallı, Beyləqan və digər yerlərdən ingilis dili müəllimləri iştirak ediblər. Bu, iştirakçılara pedaqoji cəhətdən ən qabaqcıl təcrübələri öyrənmək və həmkarları ilə peşəkar təhsil işçiləri birliklərini qurmaq üçün texniki bacarıqlarını inkişaf etdirmək imkanıdır.
2020-ci ildə fəaliyyətə başladığı gündən magistr səviyyəli bu çətin virtual təlim proqramını 350 azərbaycanlı ingilis dili müəllimi uğurla başa vurub. Proqram hər il təsirini və əhatə dairəsini artırır.
ABŞ-ın Azərbaycandakı səfirliyi və Şimali Karolina Dövlət Universiteti bu uğurlu layihəni gələn il Azərbaycan Respublikasının Elm və Təhsil Nazirliyi və Təhsil İnstitutunun tərəfdaşlığı ilə davam etdirmək niyyətindədir. Hazırkı tərəfdaşlıq Azərbaycanda ingilis dilinin tədrisində əhəmiyyətli irəliləyişlərlə nəticələnib və xalqlararası əlaqələri gücləndirməklə, eyni zamanda, təhsilin bütün səviyyələrində ingilis dilində bilik və bacarıq qabiliyyətinin təkmilləşdirilməsi yolunda Azərbaycanın da qarşısına qoyduğu məqsədi dəstəkləməklə ölkələrimizi bir-birinə daha da yaxınlaşdırıb. ABŞ səfirliyinin bu və digər ingilisdilli proqramlarının bir çox məzunu beynəlxalq konfranslarda, mübadilə proqramlarında və digər əhəmiyyətli tədbirlərdə fərqləniblər.