AFFA İntizam Komitəsi dörd klubu cərimələyib
Bakı, 30 aprel, AZƏRTAC
AFFA İntizam Komitəsinin növbəti iclası keçirilib.
AZƏRTAC qurumun rəsmi saytına istinadən xəbər verir ki, iclasda Misli Premyer Liqasının XXXII turunda qeydə alınan qayda pozuntularına hüquqi qiymət verilib.
“Kəpəz” – “Zirə” oyununda nominal meydan sahiblərinin azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə yaşandığına görə Gəncə klubu 1000 manat cərimə edilib.
“Araz-Naxçıvan”la matçda 4 futbolçusu sarı vərəqə alan “Səbail” 700 manat cərimələnib.
“Sabah” – “Qarabağ” qarşılaşması bitdikdən sonra meydançaya kənar şəxs daxil olduğuna görə Bakı klubu 800 manat ziyana düşüb. Ağdam təmsilçisi isə azarkeşlərin pirotexniki vasitədən istifadə etməsinə görə 1500 manat cərimə ödəyəcək.
Bölmənin digər xəbərləri
