AFR-in hökumət təyyarələri parkında son 4 ayda 7 dəfə fövqəladə vəziyyət yaranıb
Berlin, 12 aprel, AZƏRTAC
“Konrad Adenauer” A340 hökumət layneri Kölndə eniş edərkən layner şassisinin şini partladığı üçün Almaniyanın maliyyə naziri Olaf Şolts Beynəlxalq Valyuta Fondunun ABŞ-da keçiriləcək illik iclasına daha kiçik ölçülü, Reykyavikdə əlavə yanacaq doldurmağa ehtiyacı olacaq laynerlə getməyə məcbur olub.
AZƏRTAC xəbər verir ki, bir həftə əvvəl Nyu-Yorkda eniş zamanı da “Konrad Adenauer” hökumət təyyarəsində analoji fövqəladə vəziyyət baş vermişdi. Həmin təyyarənin göyərtəsində Hayko Maasın başçılığı ilə Almaniya XİN nümayəndə heyəti var idi.
Ümumilikdə, son 4 ayda artıq yeddinci dəfədir ki, hökumət təyyarələri parkındakı texniki səbəblər ucbatından Almaniyanın yüksək rəhbərlərinin rəsmi səfərləri pozulub.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
