Ağcabədi, 18 sentyabr (AZƏRTAC). Ağcabədi rayonunda mal-qaranın cins tərkibini yaxşılaşdırılması məqsədilə müvafiq tədbirlər görülür.

Rayon icra hakimiyyətinin aqrar məsələlər şöbəsindən AZƏRTAC-a bildirmişlər ki, heyvandarlıq məhsulları istehsalının artmasına zəmin yaradan cins maldarlığın inkişafı üçün heyvanların süni mayalandırılması həyata keçirilir. İlin əvvəlindən rayon üzrə 2334 baş inək və düyə süni yolla mayalandırılmış, nəticədə 1036 baş sağlam cins buzov alınmışdır.

Bundan başqa, rayonun Ağabəyli kəndində yaradılan “Aqat-aqro” MMC-nin heyvandarlıq təsərrüfatına 1500 baş südlük cins inək gətirilmişdir.