"Sabah"ın baş məşqçisi: Oyunçularım komanda şəklində mübarizə apardılar
Bakı, 25 may, AZƏRTAC
"Rəqibi təbrik edirəm. Bizə qarşı sonadək mübarizə apardılar".
AZƏRTAC xəbər verir ki, bu sözləri "Sabah" basketbol komandasının baş məşqçisi Rimas Kurtinaytis Azərbaycan çempionu olmaqları barədə danışarkən deyib.
O, "Sabah"da işlədiyi 3 ay ərzində dəyişiklər etdiyini bildirib: "Oyunçularım komanda şəklində mübarizə apardılar. Şirzad Şirzadovun oyununu xüsusi qeyd edə bilərəm. Hücumda və müdafiə yaxşı mübarizə apardı. Bunun nəticəsidir ki, mövsümün ən yaxşı basketbolçusu seçildi. Mən bura gəldikdən sonra hazırlıq prosesində də dəyişiklik etdim. Gündə iki dəfə məşq keçirdik. 20 il əvvəl bir komanda - "Qala" idisə, indi çempionluq uğrunda rəqiblərin sayı artıb. Bu da sevindirici məqamdır. Azərbaycan basketbolu inkişaf edir. Avrokuboklarda iştirak edəcəyik və növbəti mövsüm üçün güclənməliyik. Çünki orada İspaniya və Türkiyə təmsilçiləri olur. Çalışacağıq ki, Azərbaycanı Avropa layiqincə təmsil edək".
Bölmənin digər xəbərləri
