AĞDAŞ HEYVANDARLARI QIŞA HAZIRLAŞIRLAR
Hazırda Ağdaş rayonunda 70 min başadək qaramal, 85 min baş davar bəslənilir. Ötən illə müqayisədə bu il mal-qaranın ümumi sayı təxminən 4 min baş artmışdır.
Rayon icra hakimiyyətinin aqrar şöbəsindən AZƏRTAC-ın müxbirinə bildirmişlər ki, fermerlər və fərdi təsərrüfat sahibləri hazırda mal-qara üçün qış mövsümünə yem tədarükü görürlər. Heyvandarlar bu il artıq üçüncü dəfədir ki, yonca biçirlər. Bu işlərə 40-a yaxın otbiçən texnika və traktor cəlb olunmuşdur.
Cari ildə torpaq mülkiyyətçiləri yonca əkinlərini 1.582 hektar artırmışlar. Hazırda rayonda ümumilikdə 5.235 hektar yonca sahəsi vardır. Bu isə 90 min tondan çox yem tədarük etməyə imkan verəcəkdir.
Bölmənin digər xəbərləri
