AĞDAŞDA KƏND TƏSƏRRÜFATI İSTEHSALÇILARININ TOPLANTISI KEÇİRİLMİŞDİR
AZƏRTAC xəbər verir ki, Azərbaycan Prezidentinin “Kənd təsərrüfatı məhsulları istehsalçılarının toxum, gübrə və damazlıq heyvanlarla təmin edilməsinə əlavə dəstək verilməsi barədə” 2008-ci il 21 avqust tarixli Sərəncamından irəli gələn məsələlər Ağdaş rayonunda kənd təsərrüfatı məhsulları istehsalçılarının toplantısında müzakirə edilmişdir.
İcra hakimiyyəti başçısının müavini Fərhad Əliyev toplantıda çıxış edərək dövlət tərəfindən fermerlərə güzəştli kreditlərin verilməsi sayəsində rayonda ildən-ilə daha bol və keyfiyyətli məhsul istehsal edildiyini və ərzaq təhlükəsizliyinin təmin olunmasına yüksək zəmin yaradıldığını bildirmişdir. Ötən illə müqayisədə bu il becərilən torpaq sahəsinin 4 min 900 hektar, meyvə bağlarının 1.302 hektar, taxıl istehsalının 5 min ton artdığı vurğulanmışdır.
F.Əliyev dövlət başçısının imzaladığı yeni Sərəncamdan irəli gələn vəzifələrin yerinə yetirilməsi nəticəsində kənd təsərrüfatı məhsulları istehsalının xeyli artacağını da diqqətə çatdırmışdır .
Toplantıda çıxış edənlər ölkədə həyata keçirilən aqrar islahatları və bu sahənin inkişafına göstərilən dövlət qayğısını yüksək qiymətləndirmişlər.
Bölmənin digər xəbərləri
