Ağstafa rayonunda əhalinin pulsuz tibbi müayinəsi yekunlaşmaq üzrədir
Ağstafa, 25 aprel (AZƏRTAC). Azərbaycan Prezidenti İlham Əliyevin əhalinin tibbi müayinədən keçirilməsi ilə bağlı verdiyi tapşırıq Ağstafa rayonunda yekunlaşmaq üzrədir.
Bu məqsədlə rayonda yaradılmış komissiyanın sədri, Ağstafa Rayon İcra Hakimiyyəti başçısının müavini Lalə Eyyubova AZƏRTAC-a bildirmişdir ki, tibbi müayinən keçməli olan 83 min 690 nəfər rayon sakinindən artıq 74 min 975 nəfəri müayinə olunmuşdur.
Müayinələr zamanı xəstəlik aşkarlanmış 17 min 76 nəfər ambulator, 236 nəfər isə stansionar müalicəyə cəlb edilmişdir. Sakinlərdən 104 nəfəri müalicəsini davam etdirmək üçün Bakı şəhərinə göndərilmişdir. Rayon üzrə tibbi müayinə keçirilən 39 yaşayış məntəqəsindən 38-də bu iş mütəşəkkil surətdə başa çatmışdır.
Sakinlər də öz növbəsində bu aksiyadan olduqca məmnundurlar və göstərilən qayğıya görə dövlətimizin başçısına minnətdarıq edirlər.
Bölmənin digər xəbərləri
