Ağstafada “Heydər Əliyev Azərbaycan Konstitusiyasının banisidir” mövzusunda elmi-praktik konfrans keçirilmişdir
Ağstafa, 12 noyabr (AZƏRTAC). Ağstafa Rayon İcra Hakimiyyətində “Heydər Əliyev Azərbaycan Konstitusiyasının banisidir” mövzusunda elmi-praktik konfrans keçirilmişdir.
Konfransda çıxış edən rayon icra hakimiyyəti başçısının birinci müavini Ramiz Tatarov müstəqil Azərbaycanın ilk Konstitusiyasının yaranmasında ümummilli lider Heydər Əliyevin rolundan danışmışdır. Qeyd edilmişdir ki, 1995-ci il noyabrın 12-də ümumxalq səsverməsi yolu ilə qəbul olunmuş Konstitusiyada Azərbaycanın dövlət müstəqilliyi, suverenliyi və ərazi bütövlüyü təsbit edilmiş, demokratiyaya və insan hüquqlarının qorunmasına təminat verilmişdir. Ötən 18 ildə Konstitusiya çərçivəsində həyata keçirilmiş siyasi-hüquq islahatları sayəsində vətəndaş cəmiyyətinin bərqərar edilməsi, qanunların aliliyinə əsaslanan hüquqi, dünyəvi dövlət quruculuğu istiqamətində diqqətəlayiq uğurlar qazanılmışdır.
Ağstafa rayon prokuroru Əlirza Babayev, rayon məhkəməsinin hakimi İlqar Əliyev, rayon polis şöbəsinin rəis müavini Zaur Bayramov Azərbaycanın ilk Konstitusiyasının yaranmasında Heydər Əliyevin misilsiz xidmətlərini xatırlatmış, Əsas Qanunun dövlətin və cəmiyyətin həyatındakı mühüm rolundan və əhəmiyyətindən söz açmışlar.
Bölmənin digər xəbərləri
